Kwissen
En dan hier 'n niejen kwis nr. 17 vuur de dialectmoand meert 2022
(de kwis vuur februari is 't er biej in e-schötten)
1. Dee ne goold’n stool met breg wil der ok op zitten
a. dee vrouw is slim greuts
b. dee is as hoesvrouw oongeschikt
c. ’t is doar in hoes aln goold wat der bleenk
d. ze hebt zich doar oarig opwearkt
2. Hee löp met de rapkloomp
a. hee wil ne bosschop oaverbrengen
b. hee kan metdoon an ne wedstried hardlopen
c. ’t is zo wied, hee möt de vroedvrouw halen
d. hee löp zichzölf kats vuurbiej
3. ’n Stork hef miej der éne an de batse brach
a. hee hef ’n stork votjach met de batse
b. hee hef der éne hen wateerdösken
c. hee möt rap an ’t weark
d. ’n stork hef miej ‘n klean kearlke brach
4. Met nen krommen aarm los goan
a. met ’n kreentenweg’n op kroamvisiet goan
b. hee kan good gewörden met ziene kromme aarme
c. hee wil ’n aarm geern wier rech hebben
d. ’n aarm is ‘m oet de kom schötten
5. Zee hef ’t gat vuur ’n bos trökken
a. zee is kats verdwaald in ‘n bos
b. zee doekt zich as zee an ’t weark möt
c. zee zöt der van of um te goan trouwen
d. zee döt nich wat zee beloafd hef
Kwis nummer 16, janwari 2022
1. Doar löp ne bokse en ’n buis allenig
a. den is wal heel mager
b. wat hee noe an hef, lik nens op
c. die klere bint ’n biej mekaa geraapt zooitje
d. hee hef gin gat in de bokse
2. ’n Mooi wief is nen dweile an ’n stok
a. met ’n mooi wief kö’j good proonken
b. ’n mooi wief mö’j d’r good oonder hoolden
c. ’n mooi wief he’j nooit allenig
d. ’n mooi wief hooldt oe de boel nich kloar
3. Hee hef drek a’n stekken
a. hee hef ’n sloot oetbaggerd
b. hee wet d’r mear van
c. hee hef duur ’n drek lopen
d. hee hooldt zik van ’n domme
4. Veulen mö’j van ’n dokter leren
a. ’t lukt ‘m nog nich um ziene vrouw zwanger te kriegen
b. hee is onmeunig haandig
c. den dokter he’j niks an, den leg oe niks oet
d. sexuele veurlichting kriegen
5. ’t Is net ne busse, d’r zit altied volk in
a. ’t was doar zo drok as ’n potje met pieren
b. altied völ volk oawer de vloer hebben
c. vaak zwanger wean
d. met onmeunig völ lawaai woaraans binnenkommen.
Antwöre kwis 16:
1. a
2. c
3. b
4. b
5. c
Kwis vuur december, nummer 15
1. Op den keal kö’j gin stoat maken
a. den keal krig ’t weark nich terechte
b. op den keal kö’j nich van op an
c. iej weet nich o’j den keal biej ’n kop of biej ’t gat hebt
d. Iej möt nich geleuven wat den keal almoal vertealt
2. Der geet em nen pier of
a. Hee is stopt met wearken
b. Hee hef van ’n dokter ’n medesien kregen vuur pieren
c. ’t Pötje met pieren is biej ’t visken umvöllen
d. Hee steet vuur ne zwoare opgave
3. De leu hebt oons opbod doan
a. De leu möt zich nich oaveral met bemeuien
b. De leu hebt oons bericht doan dat ze wilt kommen
c. De leu hebt de visiet ofzeg
d. Dee leu vroagt völ te völ vuur dat oale grei
4. Dee leu könt noe de ploog wal vuur ’t hielnkleedsel hangen
a. De ploog kan noe in ‘n weenteropslag
b. Dee boeren hebt ne nieje moderne ploog koch
c. Biej dee boeren is ’t gezin compleet
d. Nen boer den ploogt aait verdan
5. Iej möt de bokse nich oettrekken vuuralleer iej ‘t berre ingoat
a. Iej möt op ’n oalen dag nog nich alns vot geven
b. Iej möt oe aansum antrekken a’j noar berre goat
c. A’j ginne bokse hebt, kö’j em ok nich oet trekken
d. Biej dee leu hef de vrouw de bokse
Goeie antwöre kwis 15:
1. b
2. d
3. c
4. c
5. a
De kwis vuur november (nummer 14)
1. ’n Klean neuske kö’j gauw snuutn
a. Iej möt wieter kieken dan oene neuze laank is
b. Iej hebt ginne groten zakdook neudig um ’n klean neuske te snuutn
c. nich oontwikkelde leu wördt gauw ofblaft at ze vuur eur rech opkomt
d. Iej möt nich oaveral oene neuzen instekken
2. De noal in ’t spek stekken
a. Stoppen met wearken, met pensioen goan
b. Iej möt oe nich oaveral met bemeuien
c. Der vuur zoargen dat de noal nich geet roesten
d. metdoon an ’t oale gebroek ‘vet priezen’
3. Dee bokse is met ne gleunige noal naejt
a. Iej möt oe nich te drok maken
b. Met gleunige noalen kö’j better met de naejmesien gewörden
c. Dee bokse is in ne haandumdrei in mekaa ropt
d. Dee bokse kump biej nen goeien vakman vot
4. Dat wich kö’j gin oren an naejn
a. Dat wich dramt oe de oren van ‘n kop
b. Dat wich löt zich niks wies maken
c. Dat wich et heel völ, zee et oe de oren van ‘n kop
d. Dat wich kan good heuren mar luustert slech
5. Hee hef niks in ’n pap te kroomn
a. Hee hef gin stoete meer in ‘t hoes
b. Iej möt gin krömmels in ’n pap knooien
c. A’j gin melk hebt, köj gin pap kokken
d. Hee is zo aarm as ne loes, de knip is leug
Goeie antwöre kwis 14:
1. c
2. a
3. c
4. b
5. d
De kwis vuur september (nummer 13)
1. Het leup ‘m op ‘n kluutje
a. hee gooit alns op enen hoop
b. hee mos nen ean umlopen
c. het is ‘m kats oet de haande lopen
d. hee löt zich te grazen nemmen
2. Iej möt nich alman in de speene loaten kieken
a. iej hooft vuur alman de kast nich los te doon
b. iej möt oe nich met alman bemeuien
c. iej hooft oe de kast nich oet te loaten keren
d. iej hooft alman nich alns te vertellen
3. Iej möt de bokse nich oettrekken vuurda’j noar berre goat
a. iej könt de bokse wal anhoolden in ber
b. iej hooft nog nich alns vot te doon a’j oalder wördt
c. het is nog lang gin berregoanstied
d. a’j nich meu bunt hoof iej nog nich noar berre hen
4. ’n Langsten dag hef ok nen oamnd
a. at ’t lang lech is he’j hoast gin oamnd
b. iej möt nich te lang duurdoon
c. ’n keer kump der ’n eande an
d. alle dage van de wek hebt oamnde
5. Zee löp op alle daagn
a. zee löp op ’t letste
b. zee döt alle daagn an hardlopen
c. zee kan nog net los lopen
d. zee hef der ’n stuk of wat op ‘n löp
Goeie antwöre kwis 13:
1. c
2. d
3. b
4. c
5. a
De kwis vuur augustus 2021 (nummer 12)
1. Het vrös oe op ‘n emmer
a. het water in ’n emmer is kats bevrören
b. hee vrös dat ‘t knapt
c. iets doon woara’j spiet van kriejt
d. iej möt de mood nich loaten zakken
2. Hee hef aait wat vuur ’t gat te beenden
a. hee maakt aait ruzie met aanderen
b. hee wil alman de bokse opbeenden
c. hee löt nich met zich sollen
d. hee hef oaveral wat op an te mearken
3. Het op ne aandere waage pakken
a. met tegenzin ’n karweitje doon
b. iets vervelends op ne aandere wieze anpakken
c. het veuren geet nich rap genog.
d. dee niks zeg hoof ok niks oet te leggen
4. A’j botter op ’n kop hebt mö’j nich in de zunne lopen
a. iej möt oe anpassen biej de leu woara’j bunt
b. te völ botter op de stoete is nich good
c. wee gin zuver geweten hef kan zich better stil hoolden
d. hee hef mazzel had en de hoofdpries wunnen
5. Hee löp zich ’t gat oet ‘n haakn
a. hee döt eargens völ meuite vuur
b. hee döt nich meer met an ‘t graven
c. hee graaft ’n groot gat vuur niks
d. hee wet zich gin hoolding te geven
Goeie antwöre kwis 12 (augustus 2021)
1. c
2. d
3. b
4. c
5. a
De kwis vuur july 2021 (nummer 11)
1. In de lap loaten hangen
a. ’n klèènen hef ’n luier vol
b. alns loaten goan zoas ’t geet.
c. schulden hebben
d. nen knapzak biej zich hebben.
2. Hee hef de koar vol
a. hee hef net de mest oet de put haald
b. hee hef de schoape binnen
c. hee geet met de wichter noar de keark
d. hee is onmeunig droonken.
3, hee hef 't hemd kort veur de boks zitten.
a. hee is gauw kwoad
b. hee is zo greujd dat um ’t hemd te klèèn is wörden
c. hee möt trouwen
d. hee möt heel nödig noar ’t huuske.
4. Den hef nen besten bos hoolt veur de deur
a. den hef flink an ’t hakken wes vuur ’n heerd
b. den hef oarig wat in de bloes
c. den wil ne nieje duur maken
d. den möt nödig an ‘t sneuien
5. ik heb met oe nog wat te vehapstukken
a. ik heb met oe nog wat te besprekken
b. ik heb met oe nog wat te vieren
c. ik heb met oe nog een appeltje te schillen
d. ik krieg nog geeld van oe.
Goeie antwöre kwis 11 (juli 2021)
1. b
2. d
3. a
4. b
5. c
De kwis vuur juni 2021 (nr. 10)
1. Nen boer zet gin vee op stal as hee d`r gin heuj veur hef
a. wochen met vee kopen totda’j nen stal bouwd hebt
b. pas trouwen a’j alns vuur mekaar hebt
c. nich investeren zoonder da’j geeld hebt
d. gezinsuitbreiding kriegen
2. Better één dee nöast oe geet, as twee dee achter oe an loopt
a. nen goeien noaber is better as nen kameroad wiet vot
b. smear valt vuur ’n bezzem
c. leever nen gek vuur oe as achter oe
d. ie möt stoadig blieven opletten
3. hee hef 't vuur 't gat vuur
a. hee hef de griep te pakken
b. hee wödt gek in de kop
c. hee möt snel oet de bokse
d. hee hef ’n wichke zwanger maakt
4. den hef ginnen kop, moar nen knup in 'n nekken
a. hee hef nen onmeunig dikken nek
b. hee hef ’t verstaand in ’n nekken
c. hee hef heel völle drunken
d. hee is onmeunig lillik
5. ik vroag oe toch ok nich of ne koo grös lust
a. noar de bekeande weg vroagen
b. iets onbenulligs vroagen
c. ‘t ei oet ’t gat vroagen
d. van vroagen wö’j wies
Goeie antwöre kwis 10 (juni 2021):
1. C
2. A
3. A
4. D
5. B
De kwis vuur mei 2021 (nr. 9)
1. Van boaven bont, van oonder stront
a. hee hef d’r mooi wat van langs had
b. hee is onmeunig an de dunne
c. van boeten lik’t heel wat, mear inweandig….
d. a’j mear nen pet op zet, zeet ze nich da’j kaal bint
2. wat leu hebt te völ pot in de asche
a. wat leu hebt ’t te völ vuur ’t zeggen
b. wat leu hebt te völ geeld
c. te völ troep in ’t braandhoolt
d. wat leu hebt ’t te hoog in de bol
3. loat 't oe hènig an kapot kokk'n
a. ie goat te hard van stapel
b. loat ’t oe good goan
c. ie möt harder wearken
d. ie möt geduld hebben
4. At n hemmel vaalt brekt alle boonnstökke
a. het dondert en bliksemt onmeunig
b. as ’t eande van de wearld in zich is, hoof ie gin bonen mear te potten
c. as de boonnstökke brökken bint, he’w gin etten meer
d. ’t ís nens vuur neudig, da’j oe zoargen maakt.
5. a'j kniene hebt, he'j ok köttels
a. kniene of wichter, ie hebt oaweral weark met
b. elk vuurdeel hef zien noadeel
c. a’j iets wilt, mö’j ’n pröttel ok oprumen
d. ie möt vaker het knienenhok kloarmaken
Goeie antwöre kwis 9 (mei 2021):
1. c
2. a
3. b
4. d
5. b
De kwis vuur april 2021 (nr. 8) (hier stun mei, mear da's nig good....)
1. Den trekt oew gen reepn kepot
a. hee wil de reepn geern heel hoalden
b. hee is lui en wil nich wearken
c. hee kan gin weark veenden
d. hee is nich geschikt vuur ‘t töwtrekken
2. Hee is van ’t ber op ’t stroo kömmen
a. hee hef zich ne matras van stroo loaten maken
b. hee kon boeten better sloapen dan in hoes
c. ’t Gung stöadig slechter met em
d. ok in ’t stroo köj heel good sloapen
3. Wel gin haand hef, kan gin voest maken
a. a’j gin haand hebt, dan he’j ok gin voest
b. a’j niks te doon hebt loop iej oe te vervelen
c. wel niks hef kan ok niks oetgeven.
d. wel niks zeg hoof ok niks oet te leggen
4. Hee zit vol strekke as nen sik vol köttel
a. iej weet nich oj ’m biej ’n kop of biej de kont hebt
b. hee zit vol verrassingen
c. nen sik löt oaveral ziene köttel vallen
d. hee kan legen dat ’t gedrukt steet
5. Hee löp met beide bene in éne boksepiepe
a. hee döt met an ’n optocht met carnaval
b. hee hef der éne hen waterdösken
c. hee is slim fien op ‘n taand
d. hee pakt völ dinge onhaandig an
Goeie antwöre kwis 8 (april 2021:
1. b
2. c
3. c
4. a
5. d
De kwis vuur meert 2021 (nr. 7)
1. Alle proemen in ’n drek
a. hee hef te hard an ’n proemenboom schud
b. de proemen bint de smerig um zo te etten
c. hee hef alns op de groond loaten donderen
d. noe begint de problemen
2. 'n köttel wier intrekken
a. nich oet de bokse können
b. d’r achter kommen dat ‘t wc-papier op is
c. datgene wa’j beloafd hebt, nich noakommen
d. an hartlievighead lie’jen
3. A’j botter op ’n kop hebt mu’j nich in de zunne lopen
a. dan he’j later nen helen kop verbraand
b. wel gin zuuver geweten hef, möt zik koest hoolden
c. want dan glim ie van oonder tot boaven.
d. nich loaten zeen da’j al oen geeld hebt oet egeaven
4. tegen de kast pissen
a. zik verzetten teagen de rechterlijke macht
b. zo droonken dat hee ‘n pisbak nich kon veenden
c. kwoad op de hele wearld
d. zo neudig mötten, dat hee de wc nich mear halen kon
5. Hee kik oet ’t melkkenneke
a. op zien poasbest d’r oetzeen
b. hee zöt d’r heel bleek oet
c. hee lik verhit umdat hee net mölken hef
d. hee döt onmeunig völ melk in de koffie
Goeie antwöre kwis 7 (meart 2021):
1. d
2. c
3. b
4. a
5. a
Het nieje Twentse alfabet van ’n Kreenk, maakt in meert 2021
A = achterbokse antrekken - niet doen wat je beloofd hebt
B = brommers kieken - verkering zoeken
C = coronavirus - veroorzaakt pandemie vanaf 2020
D = droadneagel - spijker, ook een naar mens
E = eavenoalders - tweelingen
F = flodderbokse - losbollige jonge meid
G = gapse - handvol
H = hooghaarlemmerdieks - Hollands
I = iemenschoer - bijenstal
J = joonk wörden - geboren worden
K = kevak - envelop, omslag
L = langverrekkens - languit
M = meerderweggens - op verscheidene plaatsen
N = naffelkuken - onnozel jong iemand
O = oelenvloch - avond schemering
P = prewwelen - mopperen
Q = quaranteenderen - in quarantaine zijn
R = roezen - schatten
S = slagmoals - om de haverklap
T = toesken - ruilen
U = um de wiel - meestal
V = vernemstig - slim, pienter
W = watweggens - op sommige plaatsen
X = x-bene - x-benen
Y = yoghurt - yoghurt
Z = zwil - eelt
kwis vuur febrewari 2021 (nr. 6)
1. Hardlopers bunt doodlopers
a. Hard lopen leavert niks op.
b. An hard lopen he’j nich völ, Iej möt op tied vot goan.
c. Iej könt de tied nich inhalen.
d. Hard lopen en op tied kommen geet nich aait.
2. As ‘t kalf verdreunken is dempt ze de putte
a.’t kalf is a verdreuken.
b. Better noe dan later.
c. D’r zit ‘n kalf in de putte.
d. D’r mot eest wat gebeuren veur dat d’r wat gebeurt.
3. A’j Oalder wördt, wö’j wal wiezer, mar nich aait verstaandeger
a. ’t Verstaand geet oe op ’n löp.
b. Wieze leu bunt nich aaltied ’t verstaandigst.
c. Hoo oalder hoo meer verstaand.
d. Verstaand koomp met de joaren.
4. A’j gin kop hebt köj nich noar boeten kieken
a. D’r is toch niks te zeen boeten.
b. Kieken doo’j met de oagen, nich met ’n kop.
c. Iej könt nich meer oetgeven a’j hebt.
d. Ze geeft meer oet dan ze in de knippe hebt.
5. noa dissen kump d’r wal wier nen frissen
a. De een geet en de aander koomp.
b. A’j de verkering oet hebt, komt der wal wier nen aandern.
c. Noa dit schoer koomp der wier ene opzetten.
d. Nich vuur één gat gevangen zitten.
Antwöre kwis 6:
1) c
2) d
3) b
4) c
5) b
kwis vuur janwari 2021 (nr. 5):
1. A'j t eerste knoopsgat mist, krie'j ‘t buis nich too
a) Hee hef ‘n boek te dik
b) Alle begin is bezwöarlijk
c) Mienen jas is te krap
d) Ik mis nen knoop van ‘n jas
2. Nen beunder is nog gin nen bezzem
a) Nen kleanen jong is nog gin groten kearl
b) Nen beunder is nich ‘t zölde as ne hectare
c) Nen beunder is ’n aander woord vuur nen börsel
d) Met nen beunder en nen bezzem köj poetsen
3. 't Keump zo treage as, biej nen oss’n de melk
a) Hee keump wal, ma ’t leavert niks op
b) Nen oss’n kö’j nich melken
c) Zo treage as ne snigge
d) Hee keump nich op gang
4. ’t Nus lig oonder ‘n boom
a) ‘n boom lig um, den is um weaid
b) Hee hef de verkering oet
c) Zee hebt ‘n boom daalhouwen
d) Zee hebt ‘t nich dik meer an
5. De oren 'n luk kort an 'n kop hebben zitten
a) Hee is wat kort an
b) Doar kan hee ok niks an doon
c) Heel kot steet ‘t ok nich
d) Iej könt ziene oren nich zeen
Goeie antwöre van kwis 5:
1. b
2. a
3. a
4. b
5. a
kwis vuur de moand oktober 2020 (nr. 4):
1. ‘n Langsten dag hef ok nen oamd
a) Oaweral koomp’n eand an
b) ‘t Begin van nen langen oamd
c) ‘t Begin van ‘t eand van ‘n dag
d) Nen oamd is noch gin dag.
2. ’t Is mangs klook um oe dom te hoolden
a) Iej könt kook halen biej Mans
b) Van niks weten
c) Ik wet neargens van, ik kom oet Losser
d) ’t Is mangs slim um oe dom te hoolden
3. Ik loat miej nich in ’n tuk drieten
a) Driet doar he’k a genog van
b) Dan krieg ik ’t buis smerig
c) Ik loat miej nich biej de bene nemmen
d) Doar geet ’n tuk kapot van
4. Ne grote loopskute
a) Ne grote boot
b) Dee kan hard lopen
c) Is aaltied van hoes
d) Hef ’t pad tusken de bene
5. Der achterhen kieken
a) Noar ne hen kieken
b) Komt d’r in, dan köj d’r oet kieken
c) Ik wil oe alleen efkes goeiendag zeggen
d) Kieken of de hen a eier hef (leg)
Goeie antwöre kwis 4 van oktober 2020:
1. a
2. d
3. c
4. c
5. c
kwis vuur de moand juli 2020 (nr. 3):
1. Den keerl hoolt ’t vleis good oonder ‘n pekkel
a. Hee wil ’t vleis good inzoalten
b. Hee is vaak droonken
c. Hee hef pas ’n vaerken slacht
d. Hee zoargt vuur nen goeien bodem vuurdat hee geet dreenken
2. A-j nen ezzel daansen wilt leren, he-j wal ne gleunige plate neurig
a. Iej möt völ gedeuld hebben
b. As ie domme leu wat wilt leren, dan mö-j hard waerken
c. Iej möt nen ezzel alvedan opporken
d. Iej möt heel wat doon, vuurda-j dat wa-j wilt, vuur mekaar hebt
3. Hee hef miej de plaggen oet ’n vaalt maeit
a. Hee is onmeunig te keer goan
b. Hee hef mot had um ‘n wichke
c. Hee wol maeien, moar de zeis was te stoomp
d. D’r hef d’r ene zien wich oftroggelt
4. A-j ‘t eerste knoopsgat mist, krie-j ’t buis nich too
a. Dan loop iej d’r vuur gek bie
b. A-j begint met nen fout, dan kump ’t nich meer good
c. Dan hool iej op ’n eand nen knoop oaver
d. Dan he-j ’t good wies nich in orde
5. Iej könt nich poesen en ’t mel in ’n moond hoalden
a. Iej könt nich grootsprekken en oonderwiel niks te makken hebben
b. Iej möt oe stil hoalden a-j niks te zeggen hebt
c. Iej könt gin twee dingen tegeliek doon.
d. Iej könt nich fluiten a-j iets in ‘n moond hebt
G Goeie antwöre kwis 3 van de moand juli 2020:
1 B
2 D
3 D
4 B
5 C
Kwisvroagen vuur de moand juni 2020 (2):
1. Maak oen eagen ………alleanig
a. Hoes
b. Waark
c. Kroam
d. Drek
2. ’n Lesten slag dut ‘n buul net zovölle as geald
a. Ie könt met alns betalen
b. A’j krediet hebt, kö’j ok zoonder geald betalen
c. Gearne pinnen
d. Geald in ’n klingelbuul doon
3. Nen stork is ziene vearen net zoo good neurig as ‘n kuken
a. Um te vlegen he’j volwassen vearen neurig
b. Nen stork breg vlegend de wichter roond
c. Groten hebt ’n groot inkommen neurig, net as de kleanen
d. As volwassene ku’j proonken met oene vearen, kukens nog nit
4. Ze sprekt van vaderlaand en modersproak umdat ……..
a. Iej doar oen egen dialect mangt sprekken
b. Vaars niks te zeggen hebt
c. Iej doar thoes bint
d. De wichter meest duur de moo wördt groot e-brach
5. Woer brokkel iej wat in, a’j ’t vuur ‘t zeggen hebt
a. Pap
b. Melk
c. Gemeenteroad
d. Thoes
G Goeie antwöre van de moand juni 2020 (kwis 2):
1 D
2 B
3 C
4 B
5 B
Nen moandelijksen kwis vuur oonze Kreenkwebstea - april 2020 (1)
1. Iej möt huzen met de heune woara’j met in ’t bos bunt
a – Iej möt oene heune in ’n bos oetloaten
b – Iej möt good oppassen veur de heune dee in ’t bos loopt
c – Iej möt oe anpassen an de leu woara’j met umgoat
2. Ene de plaggen vuur de deure hen stekken
a – plaggen opstapelen bij de voordeur
b – ene ’t grös vuur de veute hen maejen
c – iej möt de deure oet um plaggen te stekken
3. De stöadigste jagers vangt de meeste hazen
a – met heanigan doon bereik iej vaak ’t meeste
b- a’j hazen wilt vangen möj der stöadig achteran
c – de meeste hazen kriej nich te pakken
4. ’n Pröttel op ne aandere koar gooien
a – Iej hebt de verkeerde koar metnömmen
b – Oene zaken op ne aandere wieze anpakken
c – Iej hebt ’n pröttel nich opruumd
5. Hee hef de achterbokse antrökken
a – hee hef de bokse krang antrökken
b – hee hef de verkeerde bokse antrökken
c - hee is ziene belofte nich noakommen
Goeie antwöre vuur disse kwis (nr. 1) bint:
1c
2b
3a
4b
5c .
