Archief
oet de tied ekömmen....
Johan Kwast
1931 - 2022
In 't Nederlands is iemand dood gegaan,
over zijn reis wordt nooit meer iets vernomen.
In het Twents is iemand uit de tijd gekomen,
dus je weet zeker: hij kwam veilig aan.
Willem Wilmink
Völ te jong en heel oonverwocht is Henk Elferink oet de tied kömmen.
Henk draeiden al ’n heel zetje met in ’t Kreenkbestuur en a’w gin Corona hadden had, was he in de ledenvergadering van 2020 al beneumd.
’t Moch nich zo wean, wiej verleest in Henk ’n betrökken bestuurslid van ’n Kreenk en verhalenverteller, ealders nen meesterverteller e-neumd.
1929 - 2021
Anne van der Meiden
"een monument voor Twente" is oet de tied kommen.
Wiej weanst de femilie völ krach en stearkte met 't verlees van zonnen onmeunig prachtigen kearl! (3-6-2021)
Leider van de band Algerak Oetreiking Twentse Taalpries 2018
Gerrit Kraa hef in 2018 de Twentse Taalpries ontvangen oet haanden van juryvuurzitter Rob Welten, burgemeester van Boorn. Dit alns gebeurden in ’t Kultuurhus in Boorn op 28 september 2018. Welten zölf sprekt ‘t Limburgs dialect en benoadrukken dat streektaal van groot belang is vuur de eagen cultuur en biejdreg an de identiteit. Gerrit Kraa was in de tied van ’t van Deinse instituut oonze eerste streektaalconsulent en hef zich onmeundig inzat vuur ’t Twents.
Hee schrif columns en (keender)beuke in en oaver Twente, gif lezingen en cursussen en is ’n bedeanker van Jipken en Jannöaken in ’t Twents.
Umdat hee eerder joaren in de organisatie zat van de Taalpries, keek hee doar zölf aait achter daal, dus wörden ’t noe de hoogste tied um zölf die pries te kriegen den hee heel dik hef verdeend!
Biej ’t votgoan den oavend kregen de leu ’t beukske met oaver de Hunenborg, een oald romantisch verhaal van Jacob van Lennep dat duur Gerrit Kraa in ’t Twents is vertaald.
Oetreiking Twentse Taalpries 2011:
Goaitsen van der Vliet krig de Taalpries 2011 veur ziene joarenlaank drok wean veur de Twentse taal. Zoa maken hee ‘t Twents Dialexicon, ‘t grötste Twentse weurbook op internet en gaf ok mooie Twentse beuk oet, woar de leu völ wil an hebt, zoas de oetgave Heftat Tattat van Willem Wilmink. Wieder bedacht hee ok de Twentse Taalbaank. Dee wil alns vastlengen in ’n computer, wat d’r deur de joaren hen allemoal is maakt in de Twentse sproak, zoadat d’r niks vot koomp. Earder kreagen oondermeer Herman Finkers en Anne van der Meiden dee Twentse Taalpries.
Martin ter Denge krig de Anmoedigingspries. Dizzen viefentwintigjoarigen inwonner van Riessen is gangmaker en schriever van ’t Nedersaksische Wikipedie op ’t internet. Wieder is hee drok as schriever en muzikant. Zoa maakt Martin ter Denge kaantteksten en völ leedkes in de Twentse sproak, woarbiej hee veural de longen hef hangen noar de rap en reggae muziek. Wat ok in ’t oag springt is zien gebroek van de social media. Op Twitter geet ‘t in ’t Twents en zien Facebook proat oawer “Tweants de nieje wearldsproake”. Met ‘t gebroek van neijmoodse apparaten en media is Martin ter Denge ‘n veurbeeld veur de jungs en wichter van ziene eagen leeftied.
